Бас жаңалықтар
Академик Алмаз Шарман екпе адамдарға әртүрлі әсер етіп жатқанына қатысты жауап берді
11 Мамыр 2021, 16:49 4201

Академик Алмаз Шарман екпе адамдарға әртүрлі әсер етіп жатқанына қатысты жауап берді

Алматы, BAQ.KZ тілшісі. Алматы қаласы өңірлік коммуникациялар қызметінің алаңында Қазақстан профилактикалық медицина академиясының президенті Алмаз Шарман COVID-19-ға қарсы жүргізіліп жатқан вакцинация төңірегіндегі сұрақтарға жауап берді.

Оның айтуынша, қазір коронавируспен күресте вакцина салу - оны жеңудің жалғыз жолы болып отыр.

Елімізде вакцинаның үш түрі салынуда, бұл мутацияға ұшырап жатқан вирусқа қарсы тиімді нәтиже беруде. Дегенмен вакцина жақсы нәтиже беру үшін халықтың басым бөлігі егілу керек. Егер жеткілікті түрде доза салынбаса, ауруды жеңу қиын болады. Адамдар жылдам вакцина салдырған сайын ұжымдық иммунитетті тез қалыптастырамыз. Сондықтан вакцина салдыру коронавируспен күресте өте маңызды болып отыр, - дейді ол.
Сонымен қатар, ол вакцина адамдарға әртүрлі сипатта әсер етіп жатқанына қатысты жауап берді.
Вакцина салған соң, оның әсері адамның жанына бататындай болмайды. 24 сағат ішінде дене қызуы көтеріліп, буындар сырқырайды. Ол кезде дене қызуын түсіретін дәрі қабылдаған дұрыс. Вакцина иммундық жүйе вируспен күресу үшін оны жаттықтыруға арналған. Мәселен, әдетте біз жаттығу жасаған соң ертеңінде денеміз ауырады ғой, бұл да сол сияқты, - деді Шарман.
Оның айтуынша, вакцина алған соң адам денесінде бірден антидене түзіледі, бірақ коронавируспен күресте ол шешуші рөл атқармайды.
Алдымен «М» класты антидене пайда болады. Кейін оларды «G» класының антиденесі алмастырады. Олар 14 күн болғанда шарықтау шегіне жетеді де, бәсеңдей береді. Одан кейін ағзадағы антидене титрының көрсеткішіне мән берудің қажеті жоқ. Олар коронавирусты залалсыздандыруда маңызды рөлге ие, бірақ олар ең бастысы емес. Ол иммундық жүйенің әскері сияқты. Иммундық қорғаныста лимфоциттер маңызды рөлге ие. Олар баяу түзіледі, бірақ коронавируспен күреске анағұрлым дайындалған және күші жоғары. Оны зертханада анықтау өте қиын. Дегенмен вакцина алған соң олар түзіліп, коронавирустың шабуылын күтеді. Яғни коронавирус жұққан жасушаларды өлтіреді, - деді ол.


Фото: дереккөз
Загрузка...