Ақтауда қаза тапқан әскери қызметшінің отбасына марапат табысталды

20 Қазан 2020, 22:30
2103
Бөлісу:
Ақтауда қаза тапқан әскери қызметшінің отбасына марапат табысталды

Нұр-Сұлтан, BAQ.KZ. Ақтау гарнизонында әскери борышын орындау кезінде қаза тапқан аға сержант Жолдасжан Эрешбаевты марапаттау рәсімі өтті. 

Биыл 25 наурызынан бастап әскери қызметші коронавирустық инфекциямен күресте алдыңғы қатарда болды.

Аға сержант өзінің әскери бөлімінде дезинфекциялық топтың құрамында Ақтау қаласының аумағын өңдеумен айналысты. Басқа әріптестері сияқты өңдеу жұмыстарын күн сайын жасады. Алайда, қауіпсіздік шараларына қарамастан, қауіпті вируспен күресуге қатысқан әскери қызметші науқастанып, ағымдағы жылдың 24 сәуірінде COVID-19-дан қайтыс болды.

Еске алу рәсімі барысында ҚР ҚК Бас штабы бастығының орынбасары 1-дәрежелі капитан Серік Борамбаев Қорғаныс министрінің аға сержантты «Ел қорғаны» медалімен марапаттау туралы бұйрығын оқыды. Әскери қызметшінің марапаты оның жұбайына табысталды. Марқұмның артында бес перзенті қалды.

Марқұмның әріптестерінің айтуынша, ол қызметте өз ісінің лайықты маманы болған. Әрқашан жоғары жауапкершілікпен және тәртіптілікпен ерекшеленіп, жауынгерлік даярлықта жақсы нәтижелер көрсеткен. Достары мен таныстары оны басқаларға жанашыр, қамқор адам ретінде еске алады.

15:14




Өзгелердің жаңалығы