Бас жаңалықтар
Атырауда сотталғандар коронавирусқа қарсы екпе алды
15 Сәуiр 2021, 18:38 209

Атырауда сотталғандар коронавирусқа қарсы екпе алды

Нұр-Сұлтан, BAQ.KZ. Атыраудағы тергеу изоляторында жазасын өтеуге шаруашылық қызметіне қалдырылған ер адамдар ерікті түрде коронавирусқа қарсы екпе алды, деп хабарлайды Polisia.kz.

Атырау облысы бойынша Қылмыстық-атқару жүйесі департаментіне қарасты УГ-157/1 мекемесінің хабарлауынша, 10-нан астам сотталған мекемеде шаруашылық қызметіне қалдырылған.

Олар – аспаз, аспаз көмекшісі, аула сыпырушы секілді қызметте жұмыс істейді.

Екпені ерікті түрде алдым. Түрмеде отырсақ та, екпе алуға жағдай жасаған мекеме басшылығына алғыс айтамын. Екпе алғаннан кейін шай ішіп, 30 минут дәрігер бақылауында болдым. Өзімді жақсы сезініп тұрмын, – дейді ұрлық бабы үшін сотталған Тілеген.

Енді 21 күннен кейін сотталғандар вакцинаның ІІ компонентін алады. Барлығы тәулік бойы дәрігер қабылдауында болады.



Фото: ашық дереккөз
Загрузка...