Нұр-Сұлтан, BAQ.KZ. Қазақстан бойынша 2021 жылдың 24-26 сәуір аралығындағы ауа райы болжамы. Ауа температурасы жоғарылайды. Бұл туралы Қазгидромет хабарлады.
Алдағы күндері Атлантикалық циклонның жақындауымен Қазақстан аумағының басым бөлігінде ауа температурасы көтеріледі. Кей жерде тұман түсіп, жел күшейеді. Еліміздің оңтүстік бөлігінде шаңды дауыл соғады. Сондай-ақ кей жерде жауын-шашын, көбінесе жаңбыр жауады, батыс өңірлерде найзағай ойнап, бұршақ жаууы мүмкін, - делінген хабарламада.
