Бас жаңалықтар
Бүгін 7 облыста ауа райының бұзылатыны ескертілді
07 Тамыз 2020, 05:10 325

Бүгін 7 облыста ауа райының бұзылатыны ескертілді

Нұр-Сұлтан, BAQ.KZ. Қазгидрометтің хабарлауынша, 7 тамызда Қазақстанның 7 облысында ауа райына байланысты ескерту жарияланып отыр.

Атап айтқанда, Ақмола облысының солтүстік-батысында күн күркіреп, найзағай жарқылдайды. Солтүстік-шығыстан жел соғады, күші кей жерде 15-20 м/с жетеді. Кей жерде жоғары өрт қаупі сақталады.

Маңғыстау облысының кей жерінде найзағай ойнап, бұршақ жаууы мүмкін. Күндіз солтүстік-батыстан, батыстан жел соғады, күші кей жерде 15-20 м/с жетеді.

Ақтөбе облысының кей жерінде найзағай ойнап, дауыл соғады, күндіз бұршақ жаууы мүмкін. Солтүстіктен, солтүстік-шығыстан жел соғады, кей жерде күші 15-20 м/с жетеді. Күндіз облыстың оңтүстігінде өте жоғары өрт қаупі сақталады.

Атырау облысының кей жерінде найзағай жарқылдайды. Күндіз кей жерде солтүстік-батыс, солтүстіктен жел соғады, күші – 15-20 м/с. Күндіз 36 градусқа дейін қатты ыстық күтіледі, өте жоғары өрт қаупі сақталады.

Таңертең және күндіз Түркістан облысының кей жерінде найзағай ойнап, дауыл тұрады, солтүстік-батыстан соғатын желдің күші 15-20 м/с жетеді. Кей жерде өте жоғары өрт қаупі сақталады.

Қызылорда облысының кей жерінде найзағай ойнап, солтүстік-батыстан жел соғады, күші кей жерде 15-20 м/с жетеді. Күндіз өте жоғары өрт қаупі сақталады. Қызылорда қаласында найзағай ойнап, солтүстік-батыстан жел соғады, екпіні 15-20 м/с жетеді.

Қостанай облысының кей жерінде найзағай ойнап, бұршақ жауады. Солтүстік-шығыстан, шығыстан жел соғады, күші кей жерде 15-20 м/с жетеді.


Фото: ашық дереккөз
Загрузка...