Бүгін Алматыда Еуразиялық үкіметаралық кеңес отырысы өтеді

5 Ақпан 2021, 09:04
2963
Бөлісу:
Бүгін Алматыда Еуразиялық үкіметаралық кеңес отырысы өтеді

Алматы, BAQ.KZ тілшісі. Алматыда Еуразиялық үкіметаралық кеңестің (ЕҮАК) кезекті отырысы өтеді.

Оған Армения, Беларусь, Қазақстан, Қырғызстан, Ресейдің үкімет басшылары және Еуразиялық экономикалық комиссия Алқасының Төрағасы қатысады. ЕАЭО бақылаушы мүше-мемлекеттері - Молдова, Өзбекстан және Кубаның қатысуы да жоспарланған.

ЕҮАК отырысының күн тәртібіне сауда-экономикалық ынтымақтастықты кеңейту, ішкі нарықтың жұмысына жол бермейтін кедергілерді жою, сондай-ақ экономиканың жекелеген салаларында интеграциялық әлеуетті дамыту мәселелері қаралмақ.

Сондай-ақ кеңес отырысы аясында «Жаһандық экономиканың цифрлық болашағы» атты халықаралық форум өтеді. Онда ЕҮАК отырысына қатысушылар инновациялық және технологиялық кәсіпкерлікті қолдау және ынталандыру мақсатында цифрлық экожүйелердің өзара іс-қимылына арналған мәселелрді талқылайды. Форумға аталған саланың жетекші ғалымдары мен сарапшылары шақырылған.

Өзгелердің жаңалығы