Астана күніне орай медициналық орталық ашылады

4 Шілде 2020, 16:23
1558
Бөлісу:
Астана күніне орай медициналық орталық ашылады

Нұр-Сұлтан, BAQ.KZ. Елорда күнін мерекелеу қарсаңында Алматыда бірқатар нысан іске қосылады. Олардың арасында жайлы, жоғары технологиялық "МИПО" ЖШС  медициналық орталығы бар, деп хабарлады Алматы қаласы әкімдігінің баспасөз қызметі.

Бүгінгі таңда эпидемиологиялық жағдайды тұрақтандыру мақсатында қала әкімдігі тарапынан тұрғындарға жақын маңда орналасқан медициналық қызмет көрсету бойынша қарқынды жұмыстар жүргізілуде. "МИПО" медициналық орталығы 100 келушіге арналған, сонымен қатар, оңалтуға арналған 40 орын бар. Орталықта 80 медицина қызметкері жұмыс істейді, олардың жұмыстарына қажетті жағдайлар жасалған.

Соңғы бес жылда Алматыдағы амбулаториялық-емханалық ұйымдардың жоспарлы даму қуаттылығы 7,4% артты. Сонымен бірге, қала халқы осы мерзім ішінде 13%-ға өсті. Жақын маңдағы медициналық мекемелердің көмегіне қолжетімділікті қамтамасыз ету үшін географиялық ақпараттық жүйе жасалып, енгізілген. Бұл мәліметтер негізінде дәрігерлік амбулаторияларды ашу қажеттілігі бар жерлер анықталды. 2019 жылдан 2021 жылға дейін 35 дәрігерлік амбулатория ашу жоспары жасалды. 2019 жылы 11 дәрігерлік амбулатория ашылды (1-уі жергілікті бюджет есебінен салынды), - делінген хабарламада.

Сондай-ақ, "Жаңа Алматы" кешенді жоспары аясында алдағы 5 жыл ішінде 1 миллионнан астам тұрғынға арналып жақын маңда қолжетімді болатын қосымша 19 медициналық нысан салынады.

Өзгелердің жаңалығы