Бас жаңалықтар
Ертең АҚШ телеарнасы Димаштың қазақ тіліндегі бейнебаянын көрсетеді
01 Қазан 2020, 02:41 211

Ертең АҚШ телеарнасы Димаштың қазақ тіліндегі бейнебаянын көрсетеді

Нұр-Сұлтан, BAQ.KZ. MTV USA телеарнасында Димаш Құдайбергеннің қазақ тілінде шырқаған әнінің бейнебаяны көрсетіледі. Осылайша, Димаш – MTV-да өз тілінде ән шырқаған тұңғыш қазақстандық әнші атанғалы отыр. Бұл туралы dimashnews.com сайты хабарлады.

Бұл ретте, бейнебаянды MTV USA арнасының ресми YouTube желісі арқылы АҚШ-тан өзге кез келген ел тамашалай алады.

Менің тыңдармандарыма, әлемнің әр түпкіріндегі өнерімді бағалайтын жанкүйерлеріме шын жүрегіммен алғыс айтамын. Олар менің бала арманымның орындалуына себепкер болды. Қазақстан ғана емес, төрткүл дүниедегі Dear-ларымның қолдауына разымын. Құрметім мен алғысым шексіз, – деп лебізін білдірді әнші.

Бейнебаянның ертең, яғни жұма күні Нью-Йорк уақытымен 17:00 мен 20:00 аралығында, ал Нұр-Сұлтан уақытымен түнгі 03:00 мен таңғы 06:00 аралығында жүктелетіні белгілі болып отыр. Бұл – Америкада жұма күнгі прайм-тайм уақыт. Дәл осы уақытта MTV арнасын ең көп көрермен қарайды.


Фото: ашық дереккөз
Загрузка...