Нұр-Сұлтан, BAQ.KZ. Көпір су тасқыны салдарынан құлады. Зардап шеккендерді құтқару үшін жүздеген маман жұмылдырылды. Бір адамды іздеп жатыр.
Индонезияның Суматра аралында аспалы көпір құлады. Салдарынан 9 адам қайтыс болды, 17 адам зардап шекті. Бұл туралы 20 қаңтарда жергілікті төтенше жағдайлар қызметіне сілтеме жасап Синьхуа агенттігі хабарлады.
Төтенше жағдай Бенкулу провинциясында сағат 15.00-де болды. Нөсер жауын салдарынан тасқын болып, көпір құлады.
Көпір құлағаннан кейін тоғыз адамның мәйіті табылды, - деді провинциядағы іздеу-құтқару басқармасының басшысы Абдул Малик.Сонымен қатар бір адам жоғалған.
