"Еңбектен" еңбек іздеген жас көп

16 Қыркүйек 2020, 22:39
2121
Бөлісу:
"Еңбектен" еңбек іздеген жас көп

Нұр-Сұлтан, BAQ.KZ. 1 қыркүйектегі жағдай бойынша 145 мыңнан астам жас азамат Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының қатысушылары болды, оның ішінде 19,2 мыңы колледждер мен жоғары оқу орындарының түлектері.

Осы жылдың 8 айында 134,8 мың жас азамат жұмыспен қамтылды, оның ішінде 76,1 мыңнан астам адам әлеуметтік жұмыс орындарына, жастар практикасына және қоғамдық жұмыстарға жіберілді. 4,5 мың жас азамат еңбек нарығында сұранысқа ие дағдылар мен мамандықтар бойынша қысқа мерзімді оқуға жіберілді, ал 6,4 мың адам жеңілдетілген микрокредиттер мен қайтарымсыз гранттарға ие болды.

Сонымен қатар, жұмыс берушілерді еңбек тәжірибесі жоқ жастарды қабылдауға ынталандыру және еңбек нарығында жастардың бәсекеге қабілеттілігін арттыру мақсатында «Еңбек» мемлекеттік бағдарламасы аясында алғаш рет жұмыс іздеп жүрген түлектерге барлық меншік нысанындағы ұйымдарда қажетті еңбек дағдыларын үйрету үшін оларды жұмысқа орналастыруды көздейтін «Алғашқы жұмыс орны» жобасы іске асырылуда.

Көпбалалы және табысы аз отбасылардан шыққан колледждер мен жоғары оқу орындарының түлектері, сондай-ақ оқуын аяқтаған әрі еңбекке қабілетті мүгедектер «Алғашқы жұмыс орны» жобасы бойынша басым құқыққа ие, - деді ҚР Еңбек және халықты әлеуметтік қорғау министрлігі Халықты жұмыспен қамту департаменті директорының орынбасары Азиз Ибрагимов.            

Жалпы еліміз бойынша осы жылы «Еңбек» бағдарламасына 430 мың адам қатысып, оларға түрлі қолдау шаралары көрсетілді. 279,8 мың адам жұмыспен қамтылса, оның ішінде 146,7 мың адам тұрақты жұмысқа кірді. 159,8 мыңнан астам адам субсидияланатын жұмыс орындарымен қамтылды. Бизнес-идеяларды дамытуға 6 984 микрокредит және 20,4 мың грант берілді. 28,4 мың азамат кәсіпкерлік негіздеріне қысқа мерзімді оқудан өтуде.

Өзгелердің жаңалығы