Бас жаңалықтар
Қарлы боранда 26 адам жолда қалды – ШҚО
23 Қаңтар 2021, 23:39 222

Қарлы боранда 26 адам жолда қалды – ШҚО

Нұр-Сұлтан, BAQ.KZ. ШҚО төтенше жағдай департаментінің қызметкерлері қарлы боранда жолда қалған адамдарды құтқарды, деп хабарлайды Altaynews.kz.

Барлығы 26 адам құтқарылды.

Көмек туралы алғашқы шақырту Мақаншы-Үржар тас жолынан түскен екен. Онда Тоyota Highlander көлігі жолдан шығып кетіпті. Құтқарушылар көлікті алып шыққан соң, жүргізуші мен екі жолаушы Мақаншы ауылына қарай жол тартты.

Келесі қоңырау Мақаншы-Благодарное автожолында қалып қойған 4 жолаушыдан түсті.

Тарбағатай ауданының Ақжар-Шілікті автожолында да екі автокөлік қар құрсауында қалған екен. 

Оларға көмекке келген Өрт сөндіру бөлімінің қызметкерлері 4 жолаушыны қыстаққа жеткізді.

Омбы-Майқапшағай тас жолында 6 автокөлік қалып қойған екен. Оның ішінде «Газель» және КамАЗ көліктері де бар. Құтқарушылар арнайы техникамен келіп, көліктерді қар алып қалған жолдан шығарды. Сондай-ақ, 15 жолаушы Зайсан қаласына жеткізілді.




Фото: дереккөз
Загрузка...