Қазақстанда Екінші дүниежүзілік соғыс батырларына арналған портал іске қосылды

6 Мамыр 2021, 10:58
1730
Бөлісу:
Қазақстанда Екінші дүниежүзілік соғыс батырларына арналған портал іске қосылды

Нұр-Сұлтан, BAQ.KZ. Казақстандық блогерлер мен қоғам белсенділері Ұлы Отан соғысының батырларына арналған Qaharman1945.kz порталды іске қосты.

Қазақстандық блогерлер мен қоғам белсенділері «Мәңгілік полк» акциясын онлайн форматта өткізу үшін портал жасап шығарды. Жоба атауы - «Жаужүрек полк». Жоба авторларының ішінде «Ұлттық Пікірсайыс Федерациясының» президенті, «Jaqsy Bolady» YouTube арнасының авторы Бұхарбай Болат, танымал тележүргізуші Махаббат Есен, блогер Яков Федеров және «Ave adicus» YouTube арнасның авторы Әшірбек Әділет.

Жоба авторлары әлемдік пандемияға байланысты акцияны офлайн форматта өткізу мүмкін емес екенін ескеріп, соғыс батырларына онлайн форматта ерекше құрмет көрсетуді ұйғарды.

Бұл жай ғана портал емес –бұл екінші дүниежүзілік соғыс батырларына арналған мәңгілік естелік альбомы. Біз сіздермен бірге Бостандық үшін өз өмірлерін қиған, жарқын болашағымыз үшін қан төккен аталарымыздың ерліктерін құрметтеуіміз қажет! деп жазды жоба авторларының бірі Махаббат Есен әлеуметтік желідегі парақшасында.

Шараға қатысу үшін өтінішіңіз бен батырыңыз жайлы ақпаратты Qaharman1945.kz сайтында қалдыру керек.

Қазақстанда Екінші дүниежүзілік соғыс батырларына арналған портал іске қосылды

Сонымен қатар, жоба Қазақстанның Екінші дүниежүзілік соғыстағы рөлі мен жекелеген қазақстандық батырлардың жетістіктері туралы баяндайды.

Батырлар құрметіне арналған онлайн шеру 9 мамыр күні, сағат 10:00-де жобаның әлеуметтік желілердегі парақшаларында өтеді.

Өзгелердің жаңалығы