Лавров арандатушыларға қатысты пікірін айтты

6 Мамыр 2021, 09:45
1644
Бөлісу:
Лавров арандатушыларға қатысты пікірін айтты

Нұр-Сұлтан, BAQ.KZ. Қазақстанның аумақтық тұтастығына қатысты үнемі теріс пікір айтушылар тек өздеріне назар аудартқысы келеді. Анығында Қазақстанмен қарым-қатынасты айқындайтын көшбасшы тұлғалар мұндайға жол бермейді және ешқашан олай жасамайды да. Ресейдің Сыртқы істер министрі Сергей Лавров «Хабар» Агенттігінің» басқарма төрағасы Ерлан Бекхожинге берген эксклюзивті сұхбатында осылай деп мәлімдеді.

Қазақстан Ресейдің ең жақын досы әрі стратегиялық серіктесі екенін жақсы білеміз. Соған қарамастан, Ресейде белгілі бір ортадағы саясаткерлер арандатушылық бағытта мәлімдемелер жасап жүр. Неліктен бұлай болып жатыр? Себебі неде?, деп сұрады «Хабар» Агенттігі» АҚ басқарма төрағасы Ерлан Бекхожин.

Саясаткерлер мансабын әртүрлі жасайды. Сенсациялық мәлімдемеге құмарлары бар. Қоғамда пікір туғызатын жайттарды көтеріп, есте сақталып қалғысы келеді. «Бастысы, газеттің алғашқы бетіне шықсақ болды» дегендей. Бірақ Ресей Федерациясының Қазақстанға деген көзқарасын айқындайтын нағыз көшбасшылар мұндай қадамға бармайды. Ешқашан олай жасамайды да. Өйткені ол одақтастығымызға, арада жасалған келісімдерге сай келмейді. Біз бір-біріміздің тәуелсіздігіміз, аумақтық тұтастықтығымыз, саяси көзқарастарымызды сыйлауымыз керек. Қарым-қатынасты Мемлекет басшылары қол қойған құжаттар, Парламенттер бекіткен заңдар, халықаралық құқық нормалар негізінде жалғастырамыз. Осындай арандатушылық бағыттағы мәлімдемелер демократияның бір құндылықтарына айналып кетті. Олар тек белгілі бір ортада талқыланып қалуы қажет. Нақты саясатқа келгенде арандатушылық болмайды деп сендіремін, - деді Ресейдің Сыртқы істер министрі Сергей Лавров.

Дереккөз: Хабар24

Өзгелердің жаңалығы