Бас жаңалықтар
Ләззат Құсайынова ғалымдардың жалақысын көтеру мәселесін қозғады
03 Желтоқсан 2020, 01:44 155

Ләззат Құсайынова ғалымдардың жалақысын көтеру мәселесін қозғады

Нұр-Сұлтан, BAQ.KZ. Ғалымдардың жалақысын заң жүзінде қарастыру қажет. Мұндай ұсынысты ҚР БҒМ Ғылым комитеті төрағасының экс-орынбасары Ләззат Құсайынова ADAL BILIM платформасында өткен тікелей эфир барысында айтты.

Қазақстандық ғылымды дамытуға және ғылыми жобаларға гранттық қаржыландыруды бөлуге қатысты мәселелер ғалымдар арасында талқыланды. Эфир барысында Халықаралық ғылыми ынтымақтастық орталығының президенті әлеуметтік қамсыздандыру жүйесі бойынша ғалымдардың жалақысы мемлекеттік қызметкерлермен теңестірілетінін атап өтті.

Мемлекеттік қызметкерлер үшін «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің қаулысы бар. Онда ғалымдар тәрбиешілермен, медицина қызметкерлерімен, мұғалімдермен қатар қарастырылған. Аталған қаулыда көрсетілген жалақы жүйесі бойынша ғалымдар ең төменгі жалақыны алады, сондықтан олар мемлекеттік қызметкерлермен теңестіріледі, - деп атап өтті Ләззат Құсайынова.

Ләззат Абайқызының айтуынша, соңғы екі жыл ішінде депутаттардың назарын ғалымдарды қазіргі жалақы жүйесінен бөліп шығару немесе осы шешім шеңберінде жеке төлем жүйесін құру қажеттілігіне бірнеше рет аударған. Яғни жеке қосымшалар дайындап, жалақысын дұрыс есептеу керектігін алға тартады. Талқылау барысында ғылыми қызметкерлерге еңбекақы төлеуді заңдастыруды ұсынды, өйткені ол салық салуға жататын  зейнетақы төлеу мүмкіндігін қарастыратынын айтады.



Фото: ашық дереккөз
Загрузка...