Бас жаңалықтар
Медициналық қызмет туралы жалған мәлімет бергендер жазалансын – сенатор
06 Тамыз 2020, 20:55 439

Медициналық қызмет туралы жалған мәлімет бергендер жазалансын – сенатор

Нұр-Сұлтан, BAQ.KZ. Сенат депутаты Дана Нұржігіт Бас прокуратура мен Денсаулық сақтау министрлігінен медициналық қызмет көрсетілді деп жалған мәлімет беру жағдайын тексеріп, кінәлілерді жазалауды сұрайды. Сенатор бұл туралы әлеуметтік желілердегі парақшасында мәлімдеді.

Сенатордың айтуынша, Медициналық сақтандыру қоры бір ғана жарты жылдықтың ішінде соммасы 75,5 млн теңге 11 607 жалған тағайындау анықтаған. Қазір еліміз үшін онсызда оңай емес кезең кезінде орын алған жағдай отандық денсаулық сақтау жүйесін "қайта іске қосу" қажет емес пе деген ой салып отыр.

Кінәлілерді анықтап және жазалап қана қоймай (жауапкершілікті күшейтуге қатысты айтылған мәлімдеме), сондай-ақ жүйелік кешендік шаралар қарастыру қажет. Менің ойымша, бұл жағдайда қарапайым дәрігерлерге ғана жауапкершілікті артудың қажеті жоқ. Олардың еңбегіне пандемия кезінде барлығымыз куә болдық. Уәкілетті органнан осындай жағдайларды бұдан әрі болдырмау және толығымен жою мәселеріне қатысты нақты ұсыныстарын күтеміз, - делінген сенатордың жазбасында.
Дана Нұржігіт қадағалаушы органға жоғарыдағы аталған заң бұзушылықтарды анықтау, көрсетілмеген медициналық қызметтер үшін төленген қаражаттарды қайтару және кінәлілерді жауапкершілікке тарту бойынша прокурорлық ден қою шараларын қабылдау туралы ресми сауал жолдайтынын жеткізді.

Сонымен қатар, өзінің депутаттық мандатын пайдалана отырып, сенатор Денсаулық сақтау министрлігіне жалған тіркеу мүмкіндігін болдырмау арқылы медициналық қызмет төлем жүйелерін одан әрі жетілдіру, ведомстволық және науқастар тарапынан қадағалау құқығын күшейту, Қордың (ӘМСҚ) және өзге де медициналық ұйымдардың толықтай қаржылық ашықтығын қамтамасыз ету туралы ресми үндеу жолдайтынын мәлімдеді.


Фото: ашық дереккөз
Загрузка...