Нұр-Сұлтанда әкімдіктің рұқсатынсыз 6 үй салына бастады

20 Қыркүйек 2020, 05:08
1419
Бөлісу:
Нұр-Сұлтанда әкімдіктің рұқсатынсыз 6 үй салына бастады

Нұр-Сұлтан, BAQ.KZ. Есіл ауданының тұрғындары аулада жүргізіліп жатқан құрылысқа наразылық білдіруде. Осындай ақцияны олар бұған дейін төрт рет өткізген. Екеуінде қала әкімі Алтай Көлгінов келіп, басу айтып, мәселені шешетінін жеткізген. Алайда, қала басшылығының уәдесі орындалмаған күйі қалыпты, деп хабарлады aikyn.kz.

Қазір Сығанақ көшесі мен Қабанбай батыр даңғылының қиылысында BI group үй салу мақсатында құрылыс жұмыстарын бастап кеткен. Бірақ, жергілікті тұрғындар үйден гөрі, әкімдіктен мектептің салынуын сұрап отыр.

Әкім «сіздер келісім бермей, бұл жерге ештеңе салынбайды» деген. Бірақ, ол бізді алдап кетті. Тіпті, Есіл ауданының әкімі де алдады. Біз Президентке, Бас прокуратураға хат жаздық. Бірақ, одан еш нәтиже болмады. Баяғы жартас – сол жартас күйінде тұр. Сонда бұл не болғаны?! - дейді шағымданушы Фарид Ақбердиев.

Тіпті, құрылыс компаниясы қағаз жүзінде де ештеңе көрсете алмаған. Ал осы жолғы жиынға әкімнің орынбасары Нұрлан Нүркенов келді. Ол бұл маңға мектеп те, саябақ та салынатынын айтып, бұл мәселені өзі қарайтынын жеткізді.

Бұл жер – BI group-тың иелігінде. Олар бұған бірнеше жылдан бері иелік етіп келеді. Осы жерге қатысты 2016 жылдан бері көппәтерлі тұрғын үй құрылысын қамтитын егжей-тегжейлі жобасы мақұлданған. Қазір компания осыған қатысты жоспарды жүзеге асыруда. Енді сіздердің талаптарыңыз бойынша, ішіне мектеп пен саябақ қосылады, - деді ол.

Оның айтуынша, BI group-қа бұл жерге жаңадан тұрғынүй комплексін салуға рұқсат берілмеген. Ал құрылыс компаниясының өкілі «баспана салуға рұқсат берілгенін» айтқанымен, оны дәлелдейтін құжаты болмады.

Көпқабатты үйдің алтауы салынбақшы. Оның екеуі 24 қабаттан тұрады, - дейді компания өкілі Максим Чернышев.

Қазір, тіпті, салынып бітпеген үйдің пәтерлері сатылымға қойылған. Ал әкімдік олардың үй салуға рұқсаты жоқтығын айтуда.

Өзгелердің жаңалығы