Нұр-Сұлтанда қанша адам КВИ-ге қарсы вакцина алғаны анықталды

11 Мамыр 2021, 18:39
1602
Бөлісу:
Нұр-Сұлтанда қанша адам КВИ-ге қарсы вакцина алғаны анықталды

Нұр-Сұлтан, BAQ.KZ. Нұр-Сұлтанда вакцинациялау басталғаннан бері 1-компонентпен 128 мың 700 адам, 2-компонентпен 52 000-нан астам адам вакцинацияланды.

Қазір вакцинация пункттері медициналық ұйымдарда да, қаланың сауда кешендерінде де ашылған. Осылайша егу пункттері көшпелі бригадалар арқылы үш есе ұлғайтылды.

Қала бойынша сауда орталықтары мен сауда кешендеріндегі пункттер саны - 9. Олар Mega Silk Way, Keruen, «Хан Шатыр» және «Абу-Даби Плаза» сауда ойын-сауық орталықтары, Asia Park және «Big Шанхай» сауда кешендері, Орталық базар, «Әлем» және «Артем» сауда орталықтары. Аталған егу аймақтарында шамамен 14 000 азамат вакцинацияланды, - делінген хабарламада.

Вакцинация пункттерінің кеңеюіне байланысты МСАК ұйымдарының жұмыс уақыты сағат 8:00-ден 22:00-ге дейін қысқартылды, СОО үшін жұмыс тәртібі өзгеріссіз қалады - сағат 10:00-ден 22:00-ге дейін.

Сондай-ақ қалалық МСАК ұйымдарына QazVac отандық вакцинасының қалған дозалары таратылды. Бұл дозалар бірінші кезеңде алған азаматтардың жартысын вакцинациялауға арналған. 

Еске сала кетейік, сәуір айының соңында елордаға 6 000 қазақстандық препарат келіп түскен болатын.

Азаматтарды вакцинациялау үшін ресейлік «Спутник V» вакцинасының 90 000-нан астам дозасы бар.

Қытайдан жеткізілген 7 400 дозаның қазір 6 700-ге жуық дозасы бар. Қоғамдық денсаулық сақтау басқармасының мәліметінше, жақында басқарма қоймаларына Sinofarm Hayat-Vak вакцинасының тағы 7 400 дозасы келіп түсті.

Препараттардың дозаларын жеткізу кестеге сәйкес, сондай-ақ СҚ-Фармация және ҚР ДСМ тәртібі бойынша жүзеге асырылады.


Өзгелердің жаңалығы