Бас жаңалықтар
Павлодарда дінбасылар Достық аллеясына ағаш отырғызды
18 Қазан 2020, 15:53 173

Павлодарда дінбасылар Достық аллеясына ағаш отырғызды

Нұр-Сұлтан, BAQ.KZ. Павлодар облысы Ақпарат және қоғамдық даму басқармасының Конфессияаралық қарым-қатынастарды талдау және дамыту орталығы Қазақстан халқының Рухани келісім күні қарсаңында Мәшһүр Жүсіп орталық мешітінің аумағында ағаш отырғызу акциясын ұйымдастырды, деп хабарлайды Рavlodarnews.kz.

Облыстың барлық діни бірлестіктерінің көшбасшылары Конфессиялар достығы аллеясын отырғызу бойынша символикалық және шын мәніндегі игі акцияға қатысты. 

Іс-шараны Павлодар облысының Ақпарат және қоғамдық даму басқармасы басшысының орынбасары Дәулет Зәкәриянов құттықтау сөзімен ашты. 
Рухани келісім күні – барлық қазақстандықтар үшін өте маңызды және мәнді мереке, өйткені Тәуелсіздіктің маңызды жетістіктері мен құндылықтарының бірі - рухани бірлік, қоғамымыздағы түрлі этностар мен конфессиялар өкілдерінің тұрақтылығы мен келісімі. Бүгінде Қазақстанда 18 түрлі конфессия жұмыс істейді, олардың 13-і біздің өңірде бар. Бүгін біз Рухани келісім күнін түрлі конфессиялардың өкілдері арасында атап өтудеміз. Біз мешіт аумағын абаттандыруға және жаңа ағаштар отырғызуға бірге жиналдық. Мұндай кездесулер түрлі конфессиялардың өкілдерін біріктіреді. Олар өзекті мәселелерді талқылап қана қоймай, бірлескен спорттық іс-шараларға да қатысады. Діндер арасындағы айырмашылықтарға қарамастан, оларда ортақ жер, ортақ мақсаттар мен міндеттер бар, болашақта Қазақстанды гүлденген, дамыған мемлекет деп қарайтын  бірыңғай көзқарас қалыптасқан, - деп атап өтті Дәулет Қоқанұлы. 

Мәшһүр Жүсіп орталық мешітінің наиб имамы Елбек Тасболатұлы Достық акциясына қатысқан ұйымдастырушылар мен конфессия жетекшілеріне шын жүректен алғысын білдірді. 

Рухани келісім күні бәріміз үшін өте маңызды мереке. Өйткені түрлі дін өкілдері арасындағы өзара түсіністікті сақтау - барлық конфессиялардың міндеті. Әртүрлі  конфессиялардың өкілдері келіп, орталық мешіттің жанына шырша отырғызды. Бұл - біздің арамыздағы бірлік пен келісімнің өте жақсы белгісі. Достығымыз жыл сайын нығая берсін. Баршаңызға бейбітшілік, жақсылық және амандық тілейміз, - деді Елбек Тасболатұлы.  

Қазақстанның Православ шіркеуінің Павлодар епархиясының дін қызметкері  Алексий діни бірлестіктердің өкілдері әрқашан Рухани келісім күнін мерекелеуге қуана қатысатынын атап өтті. 

Бүгінгі іс-шара - бұл өзара түсіністік пен келісім достығының актісі. Бұл күні біздің елімізде, біздің өңірде үлкен байлығымызды сақтап қалуды тілегім келеді. Бұл - барлық ұлт өкілдері, барлық діни конфессиялар арасындағы келісім мен татулық, біз Тәуелсіздік жылдары қол жеткізген келісім, - деді  дін қызметкері. 

Акция соңында діни бірлестіктердің көшбасшылары дөңгелек үстел жұмысына қатысты, онда пандемия жағдайындағы конфессиялар қызметінің өзекті мәселелері, сондай-ақ, жергілікті іс-шараларды өткізу жоспарлары талқыланды.


Фото: ашық дереккөз
Загрузка...