Бас жаңалықтар
ШҚО-да 10 оқушыдан коронавирус анықталды
24 Қыркүйек 2020, 20:37 236

ШҚО-да 10 оқушыдан коронавирус анықталды

Нұр-Сұлтан, BAQ.KZ. Шығыс Қазақстан облысында 10 мектеп оқушысынан коронавирус инфекциясы анықталды. Оның төртеуі шағын мектепте оқитын балалар болса, қалғандары қауіпті кеселді қашықтан оқып жүріп жұқтырған, деп хабарлайды Хабар 24.

Оқушылар арасында коронавирус инфекциясының тіркеліп жатқаны жайлы санитарлық эпидемиолог мамандар мәлімдеп отыр. Кеше ғана Алтай ауданы Парыгино ауылындағы шағын кешенді мектептегі екінші сынып оқушысының осы індетке шалдыққаны жайлы хабарланған. Енді белгілі болғандай, коронавирус жұқтырған оқушылар өзге аудандарда тіркелген болып шықты. Осылайша, қазір Көкпекті ауданындағы бір мектеп толықтай карантинге жабылды. Өйткені онда 11-сынып оқушысы мен оның сол мектепте мұғалім болып жұмыс істейтін әкесінен инфекция анықталған. Ал бұдан өзге, Шемонаиха және Алтай аудандарында COVID-19-ға шалдыққан оқушының сыныптарында карантин жарияланды. Олардың сыныптастары арасынан ауру жұқтыру дерегі әлі анықталмаған. Дегенмен, болашақта олардың қашықтан білім алуына кеңес берілді. Олармен қарым-қатынаста болған адамдар бақылауға алынды. Ал қашықтан оқып жүріп, коронавирус белгілері анықталған 6 бүлдіршіннің инфекцияны қайдан жұқтырғандары әлі белгісіз.

Қашықтан оқып, COVID-19 жұқтырған оқушылар Семей қаласында, Риддер қаласында, Алтай аданында, Шемонаиха ауданында бар. Олардың енді қазіргі сәтте инфекциялық көрсеткіштерін, қандай себеппен жұқтырғанын айта алмаймын. Қазіргі сәтте оқушылардың барлығы үйде ем алуда. Жағдайлары орташа деңгейде, – дейді Тауарлар мен көрсетілетін қызметтердің сапасы мен қауіпсіздігін бақылау департаментінің баспасөз хатшысы Бағлан Тауанова. 


Фото: ашық дереккөз
Загрузка...