Бас жаңалықтар
Шу ауданында букмекерлік кеңсеге қарулы шабуыл жасағандар ұсталды
04 Желтоқсан 2020, 06:35 107

Шу ауданында букмекерлік кеңсеге қарулы шабуыл жасағандар ұсталды

Нұр-Сұлтан, BAQ.KZ. Жамбылдық полицейлер букмекерлік кеңсеге қарақшылық шабуыл жасаған күдіктілерді ұстады, деп хабарлайды Жамбыл облысы полиция департаментінің баспасөз қызметі.

Департамент қызметкерлері Шу ауданындағы букмекерлік кеңселердің біріне қарақшылық шабуыл жасаған ауданның екі тұрғынын қолға түсірді. 
Жамбыл облысы Шу ауданының ПБ кезекші бөліміне сағат таңғы 04:30-да белгісіз тұлғалардың букмекерлік кеңсеге кіріп, кассирді қорқыт ып, ақша алып кеткені туралы хабарлама келіп түсті. Тергеу барысында жас жігіттердің пластикалық терезені сығымдау арқылы букмекерлік кеңсеге кіріп, кассирге белгісіз қару қолдану арқылы 773 мың теңге көлеміндегі ақшаны иемденгені анықталды. Осыдан кейін олар белгісіз бағытқа қашып кеткен, - делінген хабарламада.

Іздестіру іс-шараларының нәтижесінде Жамбыл облысының полицейлері күдіктілерді анықтап, ұстаған. Олар бұрын сотты болған Жамбыл облысының 23 және 24 жастағы тұрғындары болып шықты. Жауап алу барысында ұсталғандар өз кінәларын мойындаған.

Полиция департаментінің хабарлауынша, қазіргі таңда аталған дерекке қатысты ҚР ҚК 192-бабының 3-бөлігімен (Қарақшылық) сотқа дейінгі тергеу басталған. Күдіктілер уақытша ұстау изоляторына қамауға алыныпты.

Тергеу амалдары жүргізілуде, ұсталғандардың басқа да осыған ұқсас қылмыстарға қатыстылығы тексерілуде.



Фото: ашық дереккөз
Загрузка...