Шымбұлақ шыңынан 6 адам құтқарылды

19 Сәуір 2021, 09:43
1348
Бөлісу:
Шымбұлақ шыңынан 6 адам құтқарылды

Нұр-Сұлтан, BAQ.KZ. Республикалық жедел-құтқару жасағының құтқарушылары Шымбұлақ шыңында 6 адамды құтқарды, деп хабарлады ТЖМ баспасөз қызметі.          

2021 жылғы 18 сәуірде Республикалық жедел-құтқару жасағының кезекші бөліміне дабылды хабарлама келіп түсті. Белгілі туристік агенттіктің үйлестірушісі ауа райының қолайсыздығынан Шымбұлақ шыңынан (теңіз деңгейінен 3450 метр биіктіктен) өз бетінше түсе алмай жатқан туристік топ туралы хабарлады.

РЖҚЖ жедел тобы, жеке құрамның 7 адамы, соның ішінде кинологиялық есеп оқиға орнына шықты. Бұл туралы ТЖМ ресми өкілі Талғат Уәли хабарлады. 

Шымбұлақ шыңынан 6 адам құтқарылды

Жол жүру кезінде РЖҚЖ құтқарушылары туристердің орналасу орны бар геолокациялық деректерді алды. Шымбұлақ шатқалына жедел автокөлікпен жеткен соң, РЖҚЖ қызметкерлері әрі қарай зардап шеккендерге жаяу жетті.

Туристер шыңның жоғарғы жағынан табылды. Белгілі болғандай, туристер маршруттың соңғы нүктесіне жеткенде, ауа райы лезде нашарлай бастады, аймақ тұманға толып, найзағай түсе бастады, жолдар көрінбеді. Топты ертіп жүрген гидтің айтуынша, келесі найзағай адамдарға жақын жерге түскендіктен, таулардың бірінде ауа райынан жасырыну туралы шешім қабылданды. Біраз уақыттан кейін ауа райы жақсара бастады, зардап шеккендер жартастар жыраларынан шығып, шыңға оралып, сол жерден РЖҚЖ құтқарушыларына геоақпарат жібереді. Сол жерде РЖҚЖ құтқарушыларымен кездесті. Туристік топтың мүшелері қорқып қалған, ешкім медициналық көмекке мұқтаж болмады, - делінген хабарламада.

РЖҚЖ құтқарушылары Шымбұлақ ауданындағы тұраққа дейін туристерді ертіп апарды.

Шымбұлақ шыңынан 6 адам құтқарылды

РЖҚЖ қызметкерлері жорыққа шықпас бұрын таулардағы ауа райы болжамымен міндетті түрде танысып, өзіңізбен бірге қосымша жылы киім алып жүруіңіз және ұялы телефоныңызға қосымша қуат көзін ұмытпауыңыз қажет екенін ескертеді. Мұндай қарапайым ережелер сіздің өміріңізді сақтап қалуы мүмкін, - делінген ТЖМ хабарламасында.



Өзгелердің жаңалығы