Бас жаңалықтар
Атырауда Тәуелсіздіктің 30 жылдығына «30 игі іс» эстафетасы қалай іске асып жатыр?
27 Ақпан 2021, 16:39 356

Атырауда Тәуелсіздіктің 30 жылдығына «30 игі іс» эстафетасы қалай іске асып жатыр?

Атырау, BAQ.KZ тілшісі. Атырауда Тәуелсіздіктің 30 жылдығына «30 игі іс» эстафетасы жалғасып жатыр. Бұл игі бастамаға аймақтағы этно-мәдени бірлестіктер де жұмылған. Облыста кәріс, орыс, татар, өзбек және т.б ұлттардың этно-мәдени бірлестіктері бар. 

Атыраулық кәсіпкер Владимир Розметов өзінің ауыл шаруашылығы өнімдерінен 50-ге жуық жиынтық ұсынды.

Атырау облысында этно-мәдени бірлестіктер бар. Барлығы осы Тәуелсіздіктің 30 жылдығына орай жыл бойы қайырымдылық істерді жоспарлап жатыр. Бүгінгі шара бастамасы. Акция бір жылға созылады. Қолымыздан келгенше мұқтаж жандарға қолұшын созамыз, - деді кәсіпкер Владимир Розметов.

Акцияны ұйымдастырушылардың сөзінше, жыл бойы түрлі қайырымдылық шаралар жалғасады. Олар өңірді көгалдандыру, әлеуметтік жағдайы төмен отбасыларына жан-жақты көмек беру, баспаналарына жөндеу жұмыстарын жасауды да жоспарлап отыр. 

«Вайнах» шешен-ингуш этномәдени бірлестігі төрағасы Зелимхан Зубариевтің сөзінше, бұл ізгі іспен өзге ұлттар Қазақстанға ризашылығын білдіреді.

Бұл акцияны өткізе отырып, біз шешен-ингуштардың Орталық Азия мен Қазақстанға жер аударылған күнін еске алдық. Қазақстанға жер аударылып келгенде, бауырына басқан қазақ халқына ризашылығымызды білдіреміз. Біз тәуелсіз қазақ елінде өз тілімізде, өз дәстүрімізді ұстанып, емін-еркін өмір сұрап жатырмыз. Қазақ халқы өзекке теппей, өз баласындай қабылдады, - деді «Вайнах» шешен-ингуш этномәдени бірлестігінің төрағасы Зелимхан Зубариев.



Фото: ашық дереккөз
Загрузка...