Ұлттық қауіпсіздіктің жаңа стратегиясы экономиканың тұрақтылығын арттыруға бағытталған – сарапшы

22 Маусым 2021, 16:13
1681
Бөлісу:
Ұлттық қауіпсіздіктің жаңа стратегиясы экономиканың тұрақтылығын арттыруға бағытталған – сарапшы

Нұр-Сұлтан, BAQ.KZ тілшісі. Қазақстанның стратегиялық зерттеулер институты директорының орынбасары Санат Көшкімбаев «Қазақстан Республикасының 2021-2025 жылдарға арналған Ұлттық қауіпсіздік стратегиясын бекіту туралы» Президент жарлығына қатысты пікірін білдірді.

Стратегия қазір әлемде болып жатқан өзгерістерді көрсетеді. Бұл биологиялық қауіпсіздікке қатысты. Бұл қазіргі коронавирус пандемиясымен күресу ғана емес. Бұл – экономикалық, технологиялық қауіпсіздік мәселелері. Біз пандемияның экономикалық жағдайға, халықаралық саудаға қалай әсер еткенін көріп отырмыз. Мұның бәрі өте маңызды аспектілер. Біз Қазақстан экономикасы үшін осындай сын-қатерлер мен қауіптерді жоюға дайын болуымыз керек. Қазір барлық ел өздерінің қауіпсіздік стратегияларын қайта қарастыруда, және Қазақстан әлемде болып жатқан оқиғаларға үн қатқан алғашқы елдердің қатарында жасады, – деді С.Көшкімбаев.

Сарапшы Стратегияда алдағы 5 жылға экономика мен халықаралық қатынастардағы өзгерістер бойынша болжам бар екенін айтты.

Бұл құжат Мемлекеттік басқарудың бүкіл жүйесін, қоғамды әртүрлі дағдарыстық құбылыстардың алдын алуға және тоқтатуға бағыттайды. Стратегия «жеке тұлғаның қауіпсіздігі-қоғамның қауіпсіздігі-мемлекеттің қауіпсіздігі» үштұғырын қамтиды және мемлекеттік органдардың сараптамалық пікірлері мен ұсыныстарын ескере отырып, мұқият пысықталған құжат болып табылады, - дейді ол.

Сарапшының айтуынша, Стратегия «халық үніне құлақ асатын мемлекет» қағидасы мен Президент Қасым-Жомарт Тоқаев жүргізіп отырған саясатқа сәйкес келеді.

Сондай-ақ экономиканың тұрақтылығын арттыруға, оның шикізаттық бағдарынан алшақтауға, бәсекеге қабілеттілігін арттыруға, ақпараттық-коммуникациялық саланы дамытуға бағытталған, - деді Көшкімбаев.

Ол азық-түлік қауіпсіздігі экономикалық қауіпсіздіктің негізі болып табылатынын және бұл ауыл шаруашылығы секторын дамытуға және тұрақтылығын арттыруға баса назар аударылуға тиіс екенін атап өтті.

Қазақстан үшін су қауіпсіздігі мәселесі өте өзекті және ол халықаралық қатынастармен тығыз байланысты, өйткені елдегі су ағынының көп бөлігі көрші елдердің аумағында қалыптасады. Сондықтан көршілермен, ең алдымен Ресей және Қытаймен қарым-қатынас орнату өте маңызды. Жалпы жақын арада халықаралық қатынастар жүйесі турбуленттілікке ұшырайды деп күтілуде, бұл көбінесе халықаралық аренадағы жаһандық ойыншылардың қарсылығына байланысты. Мұндай жағдайларда Қазақстанға уақыт сынынан өткен көпвекторлыққа негізделген және ұлттық мүдделерді қорғау мен ілгерілету үшін жеткілікті тиімді сыртқы саясатта нақты бағдарлар болуы қажет, - деді ол.

Айта кетейік, кеше Мемлекет басшысы Қасым-Жомарт Тоқаев «Қазақстан Республикасының 2021-2025 жылдарға арналған Ұлттық қауіпсіздік стратегиясын бекіту туралы» Жарлыққа қол қойды.

Өзгелердің жаңалығы