"Жұмыспен қамту жол картасын" жүзеге асыруға 1 трлн теңге қаржы бөлінген

11 Мамыр 2020, 14:14
2647
Бөлісу:
"Жұмыспен қамту жол картасын"  жүзеге асыруға 1 трлн теңге қаржы бөлінген

Нұр-Сұлтан, BAQ.KZ. Мемлекет басшысы Қасым-Жомарт Тоқаев төтенше жағдай режимін қамтамасыз ету жөніндегі мемлекеттік комиссияның қорытынды отырысында  "Жұмыспен қамту жол картасы" бағдарламасын жүзеге асыруға 1 триллион теңгеге жуық  қаржы бөлінгендігін айтты.

Біз "Жұмыспен қамту жол картасы" бағдарламасын жүзеге асыруға 1 триллион теңгеге жуық  қаржы бөліп отырмыз. Бұл – қомақты қаражат. Оны шағын бизнесті несиелеуге де пайдалануға болады. Соның бәрі құзырлы орындардың бақылауында болып, толығымен мақсатқа сай жұмсалуға тиіс, - делінген мәлімдемеде.

Осы күрделі кезеңде қаржыландырылып жатқан жобалар арқылы ең алдымен жаңа жұмыс орындарын ашу қажет екендігін тілге тиек етті. 
Бұған жұмысшыларды барынша көптеп тарту керек. Үнемі экономикалық табыс әкелетін немесе адами капиталды дамытатын бастамалар қолға алынуы қажет. Осыған орай, мектеп, аурухана және басқа да нысандар салынып, жаңғырту жұмыстары жүргізілуге тиіс. Біркелкі нысандардың әр аймақтағы құны өте алшақ болуына жол бермеу аса маңызды. Өкінішке қарай, мұндай жағдай бізде көп кездеседі. Жүзеге асқан жобалардың әлеуметтік-экономикалық тиімділігіне талдау жасалады, - деді Президент.

Өзгелердің жаңалығы