Бас жаңалықтар
"Жас Ұлан" еріктілерді іздейді
27 Мамыр 2020, 20:48 151

"Жас Ұлан" еріктілерді іздейді

Нұр-Сұлтан, BAQ.KZ. "Жас Ұлан" бірыңғай балалар мен жасөспірімдер ұйымы "Birgemiz: Taza Alem", "Birgemiz: Asyl Mura" жалпыұлттық жобаларына волонтерлер қабылдайды.

Іріктеудің мақсаты - экология және тарихи-мәдени мұраларға қатысты жобаларды іске асыру үшін 2000-ға жуық волонтер іріктеу. Волонтерлерді іріктеу кезінде жас шектеуі қойылмайды. Өтінімдер 2020 жылдың 7 маусымына дейін қабылданады. Іріктеліп алынған 2000 волонтер "Birgemiz: Taza Alem", "Birgemiz: Asyl Mura" жалпыұлттық жобалары аясында оқудан өтеді - делінген ұйымның хабарламасында.

Оқуды сәтті аяқтаған барлық волонтерлер "Birgemiz: Taza Alem", "Birgemiz: Asyl Mura" жалпыұлттық жобаларының волонтерлер қатарына қабылданғанын растайтын сертификат алады.

Іріктеуден өткен волонтерлер алған білімдерін бағыттар бойынша іс-шараларға қатысу арқылы тәжірибеде қолдана алады. Ең белсенді волонтерлерді анықтау үшін қосымша байқаулар, фестивальдар және т.б. шаралар өткізіледі. Волонтерлердің ізгі істері мен бастамалары ұйымдастырушылардың ресми ақпараттық ресурстарында "Апта Волонтері" айдарында жарияланатын болады. Үздік волонтерлер 2020 жылдың қараша айында Тараз қаласында өтетін қорытынды мерекелік шараға қатысуға шақырылады. Ең үздік волонтерлердің жетістіктері мен тәжірибелері Қазақстанның барлық өңірлеріне таратылатын Үздік тәжірибелер жинағына кіреді - делінген хабарламада.

Фото: ашық дереккөз
Загрузка...