Бас жаңалықтар
Жастардың елден кетпеуіне жағдай жасау керек – Жансая Әбдімәлік
16 Қаңтар 2021, 14:47 211

Жастардың елден кетпеуіне жағдай жасау керек – Жансая Әбдімәлік

Алматы, BAQ.KZ. Әлеуметтік-мәдени даму, жастар және қоғамдық коммуникация комиссиясының мүшесі, қазақстандық шахматшы, халықаралық спорт шебері және әйелдер арасындағы гроссмейстер Жансая Әбдімәлік Алматы мәслихатындағы жұмыс жоспарлары туралы бөлісті.

Мен зияткерлік спортта ғана емес, жалпы Қазақстан спортында да дамыту қажет көптеген проблемалар бар екенін білемін. Жастардың елден кетпеуіне және өз Отанында жұмыс істеуіне жағдай жасау керек, - деді ол.
Жансая Әбдімәліктің айтуынша, жастарды қолдау талантты жастарды елден кетпеуге, керісінше отанына оралуға ынталандырады.
Ең алдымен-жастарға қолдау көрсету. Менің мәслихатқа келу себебім: жастардың өкілі ретінде өзім оларды жақсы түсіне аламын, біз ортақ тіл тауып, осы мәселелердің бәрін шешетін боламыз, - деп жоспарымен бөлісті ол.  

Мәслихат құрамында Жансая Әбдімәлік екі бағыт - зияткерлік спортты дамыту және жастар саясатын қолдау мәселелеріне қатысады.

Естеріңізге сала кетейік, Алматы әкімі Бақытжан Сағынтаев жаңа мәслихат алдында алдағы 5 жылда жаңартылған мәслихат депутаттарымен бірге қала шешетін өзекті міндеттерді атап өтті. Олар - жұмыс орындары, шағын және орта бизнесті қолдау, өмір сүру сапасын арттыру және экология мен әлеуметтік инфрақұрылымды жақсарту.


Фото: ашық дереккөз
Загрузка...